عايز تعرف (متشغلش بالك)

عايز تعرف ايه الى جرالى وبقى عندك احساس
بقــى جاى بتسأل عن حالى طب على اى اساس
مــش فكرت تغيب غن عينى واتغيرت خلاص
يبقى راجعلى ليه

دا انا صابر على حالى وراضى وهقدر يوم انساك
هتحــــــمل ومكانك فاضى انا مش هرجع لهواك
دا انا بتعب طول ما انت قصادى ولما بكون وياك
عايز تانى ايه

متشغلــــــش بالـــــك بيا ..... وتسأل عامل ايه من بعدك
متسألش تـــــــانى عليا ..... واعرف انى هرضى ببعدك
دا انا بس بقـــــول الــــــى فى قلبى علشـــــان ارتاح

بقى دلوقتى بترجع تانى تقولى انك مظلوم
وعايزنى اصدق من تانى واعيش وياك موهوم
دا انا غلطه قلبى انه ادالك حب لايمكن يوم
من بعدى تلاقيه

كنت بصدق كل كلامك ليا عشان بهواك
ولا عمرى فيوم كنت انانى وكنت بعيش لهواك
صدقنى انا مش عايزك تانى وبحاول انساك
هفتكرلك ايه

متشغلــــــش بالـــــك بيا ..... وتسأل عامل ايه من بعدك
متسألش تـــــــانى عليا ..... واعرف انى هرضى ببعدك
دا انا بس بقـــــول الــــــى فى قلبى علشـــــان ارتاح

وانا هقولكم على المشكله كتابه اولا ثم بالصور عشان تصدقونى
انا كتبت اغنيه عايز تعرف من حوالى سنه ونص تقريبا
وبما انى مبنزلش اى اغنيه ليا على اى منتدى الا لما بسجلها الاول
عشان كده تأخر ت فى تنزيلها على منتدى بكتب عليه من زمان
وبما ان التسجيل فى الشهر العقارى بتستلم اغنيتك بعد عشره ايام
بعد ما بتكون اخدت ختم موافقه من نقابه الموسيقين وجمعيه الشعراء وختم شعار الدوله بتاع الشعر العقارى
وديت الاغنيه فى يوم20\6\2006
وقبل ما استلمها لانى كنت مطمن خلاص انها هتتسجل
قررت انى انزلها على المنتدى الى بكتب فيه
ونزلتهافى شهر 6 الى فات
ودا اللينك عشان تصدقوا
http://mashy.com/index.pl/discussions?func...ostId=3872#3872
يعنى قبل ما هيثم يطلق الاغنيه فى المواقع الغنائيه بشهرين تقريبا
وبعد كده بعد الفتره الى قالولى عليها روحت واستلمت الاغنيه مسجله وموثقه من كل الجهات الى ذكرتها قبل كده
وعدى الموضوع عادى جدا زيها زى اغنيه بسجلها
ولكن بعد فتره مش كبيره
كنت على موقع بتاع اغانى معروف
وانا بتابع الاغانى الجديده لهيثم وبالصدفه
لقيت اغنيه بأسم (احساس
حبيت اسمعها
وهنا كانت صدمتى انى لقيتها اغنيتى
ومش الكلمات وبس لاء واللحن كمان بتعها
زعلت جدا بيس الى طمنى انى معايا ما يثبت ان الاغنيه بتاعتى
وكتبت عن الاغنيه للناس الى تعرف برضه انا بتاعتى
وهما اصدقائى فى المنتدى
ودا لينك الموضوع
http://mashy.com/index.pl/discussions?func...ostId=6807#6807
وبعدها بأيام
توجهت انا ووالدى لنقابه الموسيقين
وتمت مقابله مع استاذ حسن ابو السعود نقيب الموسيقين
وقال ايه الى يثبت ان الاغنيه بتاعتى ولما وريته الاوراق
قال ان موقفى سليم جدا
وطلب مننا اننا نعدى عليه بعد اسبوع يشوف الموضوع ده
وفعلا روحنا تانى بعد اسبوع
وقال بالحرف الواحد
(يا استاذ جمال موقف ابنك سليم ميه فى الميه بس الورق الى حضرتك ورتهونى مش دليل برضه لان ايه الى يثبت ان هيثم غناها اصلا)
وكأن الاغنيه مش موجوده على المواقع
ولما قولت انها على اكتر من موقع اغانى طلب يعرف اسم موقع ودخل على الموقع واحنا قالعدين
وفعلا لقى الاغنيه
رجع وقال
انا مش قصدى كده
انا قصدى ايه الى يثبت ان هيثم غناها وهينزلها فى شريطه
لو نزلت الاغنيه فى شريطه اوعكد انى حجيبلك حقق
وارجوك يا استاذ جمال متتصرفش ولا تاخد اى خطوه قبل ما تبلغنى
ولو انا محلتش الموضوع اعمل الى انت عايزه
وادينى مستنى هيثم ينزل الاغنيه فى شريطه
ولو انى متأكد انه مش هينزلها فى شريطه لان اكيد وصل للمنتج اخبار الاغنيه
من استاذ حسن
دى مشكلتى
وهوريكم الصور الى هتثبت كلامى اكتر

عايز تعرف (متشغلش بالك) 1ns1

وطبعا الصوره دى لصوره الاغنيه وهى متسجله هى متبهدله شويه بس الاصل سورى مش معايا مع المحامى

عايز تعرف (متشغلش بالك) 2zm5

والصوره دى واضح فيها رقم تسجيل الاغنيه فى جمعيه الشعراء وهو ده الرقم وخلو بالكم من تاريخ تسجييل'
3\7\2006

عايز تعرف (متشغلش بالك) 3yb0

والصوره دى مركز فيها على تاريخ تسجيل الاغنيه ورقمها فى سجلات التسجيل فى الشهر العقارى

عايز تعرف (متشغلش بالك) 4yn3

والصوره دى مركز فيها على ختم مواقفه المصنفات الفنيه هو مش واضح اوى بس لو ركزتو هتشوفو الختم والختم دا معناه انى لو كانت الاغنيه بتاعه هيثم كان لايمكن هاخد موافقه المصنفات صح

ودا معناه ان الانيه بتاعتى من قبل ما يغنيها اصلا

واتمنى لو الصور ظهرت اكون عرفت اوضحلكم ان الاغنيبه بتاعتى ولو الصور مظهرتش محتاج اى حد يساعدنى انى انزلها عشان تعرفو الحقيقه
وشكرا ليكم