انا بقا يا حماده بدون ان ابارك لك هفتتحه بفضفتى بكل صراحة بس ارجوكم اقبلونى كما انا
انا اساسا خايفة افضفض لكم مش عارفة ليه كتير قووى بحس بالضيق من اقرب ما ليا ولما بلجأ لحد واحكيله همومى يقعد يقول الكلام المتداول ( معلش ---امر ربنا---استحملى )ميعرفوش انى لجات ليهم هما بس علشان بدور اساسا عالراحة معاهم ولكن هما بكل سهولة يبينوا اللامبالاة او التعاطف الزايد بكلام بس ومش حاسة من ناحيتهم انى اساسا اهمهم بشىء وبالتالى بنجرح منهم هما كمان واعرف انى غلطانة انى حكيت معاهم اصلا لانى بعد ما بتكلم مش برتاح وكانهم زودوا همى مش خففوه
انا عارفة انى بكون غلطانة بس لما بحس الاحساس ده كانهم هما اللى اجرموا فبنقلب عليهم هما وممكن اقولهم كلام يجرحهم من غير قصد وخايفة اخسر الناس دول لانهم اعز ما عندى
مشكلتى انى عارفة عيبى وعارفة دواه ومع ذلك غصب عنى والله مش بقدر احكم نفسى
انا حبيت افضفض شوية هنا بس عارفين برضه مستريحتش للاسف وقررت قرار من اغبى ما يكون وهو :
انى اقتل اى احساس او شعور تجاه الناس دول علشان اعيش وكمان استغنى عن اللى ميقدرنيش
انا عارفة نى غلطانة بس مش عارفة اتغير وبرضه مستريحتش من الكلام ده
اللى اتاكدت منه من زمان ان الدنيا دى بس بنعيشها علشان نتألم وبس حتى اللحظات الجميلة ليس لها تمن مقارنة بما نعيشه من احزان
ودى فضفضتى الحالية ومعلش صدعتكم
وبرضه مستريحتش
الإثنين أكتوبر 08, 2007 3:55 pm
أهلا سحر 
