7maza
| موضوع: قلبى اللى مضيعنى الثلاثاء ديسمبر 18, 2007 4:04 pm | |
| قلبى اللى مضيعنى
سيبنى فى حالى ..للى جرالى ..دة اللى حصلى منك مايتحكيش. كنت حبيبى..لسة حبيبى..بس جراحى منك مابتنطفيش. ورغم الجرح دة كلة..والالام اللى مابتنتهيش.. قلبى لسة طيب!!جرح قلبك ماعلمنيش.
انا محتار بين جنة ونار..بين عزة نفسى وبين قلبى اللى بقى ملكك. بين اللى فاضلى من حياتى ..وبين قلبى اللى بيحبك. عملت فيا كل حاجة..سبتنى وانا محتاجلك. كل لما اقرب منك تبعدنى بقسوة عنك..
بس كفاية لحد كدة.. من هجرك لية خلاص مليت. من طول بعدك عنى..ياحبيبى انا اتمنيت,قلبى يسيبنى,يبعد عنى,يموت لو حبيت.
قلبى دة مضيعنى معاه على طول.. كل اما ابعد عنك الاقية فى حبك مشغول.. كل اما انسى عذابك الاقية باسمك بيقول.. هو دة حبيبنا!!,ازاى دة هو اللى مخلينى مجهول..
يا قلبى اسمع كلامى ولو فى حياتك مرة.. لو فضلنا وراة هنضيع ولا يعرفولنا طريق جرة.. ابعد عنة انساة يا تاعبنى كفاية جراح كل مرة..
هابعد عنك ودة اخر قرار.. هابعد واسيب قلبى يدوق المرار.. وانا معاك ياما انكويت بالنار..وكل مرة تسبتلى سوء الاختيار وسنين عمرى اللى ضاعت والعذاب اللى شفتة طول المشوار.. كل دة..فى الاخر لقيتنى انا وقلبى فى قائمة انتظار..
وقتى اللى ضاع مش ندمان علية.. حبك حبيبى خدت منة اية؟؟ اسكت ياقلبى..خليك فى اللى انت فية.. ليك رب,جرحك,قادر يداوية | |
|
saher89
مستشاره
عدد الرسائل : 447 العمر : 34 العمل/الترفيه : طالبة بكلية التربية/قسم لغة انجليزية/الفرقة 3 المزاج : الحقيقى متقلب فى بعض الاحيان والمعظم حال عال يا رب تاريخ التسجيل : 04/10/2007
| موضوع: رد: قلبى اللى مضيعنى الأربعاء ديسمبر 19, 2007 1:42 am | |
| حمزة بجد اغنية رائعة وشكرا انك عملت بكلامى واهلا بيك معانا بس الاغنية دى محتاجة شوية تظبيتات زى مثلا الكوبليهات وكده بس معانى رائعة تقبل مرورى وتحياتى لك | |
|
7maza
| موضوع: رد: قلبى اللى مضيعنى الأربعاء ديسمبر 19, 2007 4:12 am | |
| شكرا سحر على كلامك الرقيق دة وان شاء الله هاتتحسن بمرور الايام ملحوظة : دى بقولها فى كل حتة باروحها انا مش اسمى حمزة ....اسمى احمد شكرا على مرورك | |
|